Angelu

Vikidiatik
Nabigaziora joan Bilaketara joan

Geometrian, angelua gurutzatzen diren bi lerro zuzenen arteko espazioa da. Bi lerro halako puntu batean elkartzen direnean, angelua sortzen da. Bi lerro horiei, angeluaren aldeak deitzen zaie; eta elkartzen diren puntuari, angeluaren erpina.

Angeluen zabalera neurtzeko, gradu izeneko unitate edo neurria erabiltzen da; ° ikurra erabiltzen dugu gradu hitza adierazteko.

Angelu motak[aldatu | aldatu iturburu kodea]

Angeluak sailkatzeko modu desberdinak daude. Hain neurriari begiratzen badiogu, honako hauek bereizi ohi dira:

  • Angelu zuzena: 90° dituenean.
  • Angelu zorrotza: 90° baino gutxiago dituenean.
  • Angelu kamutsa: 90° eta 180° bitartekoa denean.
  • Angelu laua: 180° dituenean; hots, zirkulu erdia osatzen duenean.
  • Angelu osoa: 360° dituenean; hots, zirkulu osoa hartzen duenean.
180°ko zabalera duen angelu-garraiagailua.

Angelu-garraiagailua izeneko tresna erabiltzen da angeluak eskuz neurtzeko. Horretarako, garraiagailuaren erdigunea (duen zulotxo bat) angeluaren erpinean jarri behar da; gero, angeluaren erpina ezkerraldean badago, eskuinaldeko zatia (0° adierazten duen marra zuzena) angeluaren beheko aldearekin bat egin behar da (erpina eskuinaldean badago, alderantziz); ondoren, garragailuaren zirkuluerdian beste aldeak markatzen duen zenbakia da angeluaren gradua adierazten duena.