Larruazal

Izerdi-tantak aurpegiko larruazalean.

Larruazala (larrua edo azala ere deitua) gizakiaren eta beste zenbait animaliaren gorputza biltzen edo estaltzen duen organoa da. Gorputzeko organorik zabalena da (ia 2 m² dira). Organismoa inguruko elementuetatik babesten du eta kanpoko inguru horrekin komunikatzeko sistema bat ere bada. Larruazalak ezaugarri desberdinak izaten ditu espezieen arabera.

Larruazalean hiru geruza daude:

• Epidermisa: kanpoko geruza, finena.
• Dermisa: tarteko geruza, lodiena.
• Hipodermisa: barruko geruza; larruazala hezurrei edo giharrei itsasten die eta, gainera, odol-hodiz eta nerbioz hornitzen du azala

Epidermisa dermiseko zelula hil eta keratinizatuez osaturik dago; hau da, halako erreakzio kimiko bat egon da zelula horien proteinetan eta egitura korneoa hartu dute (keratinaz osatuta dago, ilea eta azazkalak bezala).

1- Izerdi-poroa 2- Elkargune dermo-epidermikoa (papila dermikoa) 3- Nerbio-bukaera 4- Epidermisa 5- Dermisa 6- Hipodermisa 7- Zaina 8- Arteria

9 - Ilea 10- Geruza korneoa 11- Epitelio pigmentarioa 12- Keratinozitoak 13- Melanozitoak 14- Muskulu ile-zutitzailea 15- Sebo-guruina 16- Ile-folikulua 17- Ile-papila 18- Nerbioa 19- Odol eta linfa hodiak 20- Izerdi-guruina 21- Pacini-ren korpuskulua

Larruazala eta larruazaleko eritasunak aztertzen dituen medikuntza-adarrari dermatologia deitzen zaio..