Sena ibaia

Vikidiatik
Nabigaziora joan Bilaketara joan

Txantiloi:Banner

Sena ibaiaren ibilgua

Sena Frantziako bigarren ibairik luzeena da, Loira ibaiaren ondoren. Guztira, 775 kilometro inguruko ibilgua du eta, besteak beste, Paristik igarotzen da; hiriko monumenturik ospetsuenetako asko ibaiaren ertzean daude.

Dijon hiritik hurbil hasten da, Côte-d'Or izeneko departamenduan, eta, ipar-mendebalderantz joanda, Mantxako kanalean itsasoratzen da, Le Havre hiri ondoan.

Parisen sartzean, Sena ibaiak Marne izeneko ibaiadarrarekin bat egiten du. Beste ibaiadar garrantzitsu batzuk Oise, Aube eta Yonne ibaiak dira.

Paris eta Mantxako kanalaren artean, Sena ontziak ibaian nabigatzeko bezain zabala da, eta oso garraiobide garrantzitsua da eta izan da Frantziako historian. Horregatik, oso kutsatuta egon da aspaldian, baina gaur egun kutsadura gutxiago du. Ontzi horiek era guztietako salgaiak garraiatzen dituzte urtaro guztietan. Le Havrek ur sakoneko portu handi bat du, eta Frantziako portu nagusia da Ozeano Atlantikoan.