Arkeologia

Vikidia(e)tik
Hona jo: nabigazioa, bilatu
Arkeologo batzuk Erromako foroan lanean.

Arkeologia bereziki antzinako zibilazioak ikertzen dituen zientzia da. Horretarako, gizakiek utzitako aztarnetan (tresna, arma, hezur eta abarretan) oinarritzen da. Normalean, objektu horiek lurpean egoten dira eta arkeologoek azalera ateratzen dituzte; lan horri indusketa deitzen zaio, eta objektuak aurkitu diren lekuari, aldiz, aztarnategia deritzo.

Zientzia honetan aritzen direnak arkeologoak dira. Euskal Herrian, bertako Historiaurrearen ezagutzan aitzindari izan ziren Telesforo Aranzadi, Jose Migel Barandiaran eta Enrique Eguren. "Hiru troglodita tristeak" ezizenaz ezagunak, 1916tik elkarrekin lanean aritu ziren, eta Europako arkeologia-lanetan ospe handia irabazi zuten.