Beira

Vikidia(e)tik
Hona jo: nabigazioa, bilatu

Beira material gogor bat da, baina, era berean, oso hauskorra ere bada. Inorganikoa, gardena eta amorfoa da. Leihoak, lenteak, botilak eta halakoak egiteko erabiltzen da.
Beira lortzeko, 1500 °C ingurutan hiru hauek fusionatu behar dira: silize-hondarra (Si O2), sodio karbonatoa (Na2 CO3) eta kareharria (Ca CO3).

Noiz hasi zen gizakia beira egiten?[aldatu | aldatu iturburu kodea]

Antzinako Egiptoko beirazko ontzi bat.

Dirudienez, Kristo aurreko 1200 urtean hasi ziren gizakiak beira egiten, Egipton eta Mesopotamian.

Beira birziklagarria da[aldatu | aldatu iturburu kodea]

Beira birziklatu egin daiteke. Edukiontzi berdeetara bota behar da. Gainera, nahi beste aldiz birzikla daiteke; ez du kalitatea galtzen.
Normalean, beirak, birrindu eta birziklatu baino lehen, kolorearen arabera bereizten dituzte.

Askotan, beira hitzaren ordez kristal erabiltzen da, baina ez dira zehatz-mehatz gauza bera. Beira solido amorfo bat da; hau da, bere molekulak desordenatuta daude. Kristalaren molekulak, aldiz, guztiak txukun-txukun daude antolatuta.

"https://eu.vikidia.org/w/index.php?title=Beira&oldid=1067"(e)tik jasota