Berreketa

Berreketa eragiketa matematiko bat da, aⁿ idatzi eta a ber n esaten dena, bi zenbakiren artekoa (a edo berrekizuna, eta b edo berretzailea), zeinetan a errepikatuta biderkatzen baita n berretzaileak adierazten duen hainbat aldiz:

Adibidez, $2^{4}$ (2 ber 4) $=2\cdot 2\cdot 2\cdot 2=16$ (2 berrekizuna eta 4 berretzailea izanik).

Berretzailea 2 denean, karratu hitza erabil daiteke ber bi ordez (adibidez, 4², lau karratu edo lau ber bi esan daiteke).

Berretzailea 3 denean, kubo hitza erabil daiteke, ber hiru ordez (adibidez, 4³, lau kubo edo lau ber hiru esan daiteke).