Herrialde garatua

Herrialde garatuak, Nazioarteko Diru Funtsaren arabera.

Herrialde garatuak biztanleentzat bizi-maila altua eta egoera ekonomiko ona duten herrialdeak dira.

Honako ezaugarriak izaten dituzte:

• Industrializazioa: herrialde garatuek industria ugari izaten dute, baina hirugarren sektoreak (zerbitzuak, garraioak, osasuna...) indar handia izaten du, eta lehen sektoreak (nekazaritzak eta abeltzaintzak) ez hainbestekoa.
• Barne-produktu gordin handia: herrialde horietako industriak produktu asko ekoizten eta saltzen ditu.
• Energia-kontsumo handia: industriak energia asko behar izaten du.
• Bizi-maila altua: biztanle gehienek lana izaten dute, eta osasun-sistema orokorrak dituzte.
• Jaiotza-tasa txikia: ume gutxi jaiotzen dira, eta horregatik biztanleria zahartua izaten dute.
• Demokrazia: herrialde garatuenak, salbuespenik gabe, estatu demokratiko eta liberalak dira.

Bestalde, herrialde garatu gehienak Ipar Hemisferioan daude (Australia izan ezik); horregatik, askotan "Iparraldea" esaten da herrialde aberats edo garatuak izendatzeko, eta "Hegoaldea", aldiz, munduko herrialde pobreagoak izendatzeko. "Lehen Mundua" ere deitzen zaio herrialde garatuek osatzen duten multzoari.