Heste lodi

Vikidia(e)tik
Hona jo: nabigazioa, bilatu
Heste lodiaren egitura eta kokapena.

Heste lodia digestio-aparatuko organo bat da, giharrezko hodi baten egitura duena, heste meharrean hasi eta uzkian bukatzen dena. Metro bat eta erdi luze da, gutxi gorabehera, eta 3-7 cm bitarteko diametroa du. Digestioaren soberakin edo hondakinak prestatzen ditu gorputzetik kanporatzeko. Artikulu honetan, gizakien kasuan organo honek dituen ezaugarriak aipatuko dira.

Funtzioak[aldatu | aldatu iturburu kodea]

Heste lodiak hainbat funtzio ditu: batetik, kimoan geratzen den ura xurgatzen du, behin gainontzeko digestio-aparatutik pasatuta. Bestetik, substantzia hori iraizkin edo gorozki bihurtuta pilatzen du eta, nahikoa metatu denean, uzkitik kanporatzeaz arduratzen da. Beraz, digestioaren hondakinak deshidratatzen eta gorotz bihurtzen ditu.

Heste lodiaren atalak[aldatu | aldatu iturburu kodea]

Heste lodiak hiru parte ditu:

  • Heste itsua: heste lodiaren hasierako zatia da, heste meharrari lotuta dagoena. 5-8 cm bitarteko luzera du. Heste itsuan, apendize deritzan luzapen bat dago.
  • Kolona: ondestearen aurretik dagoen atala da. Forma makotua (arku itxura) du eta haren tamaina 80-90 cm bitartekoa izan daiteke, edo are gehiagokoa.
  • Ondestea: heste lodiaren bukaerako zatia da. Uzki deritzan esfinter (gihar-hodi) batean du amaiera. Bertatik kanporatzen da materia fekala (gorozkia), eta digestio-prozesua ere bertan bukatzen da.


Wikibar.png
Blank user.svg BA AL ZENEKIEN?

Heste lodiak materia fekala (gorozkiak) metatu behar du. Bestela, etengabe egon beharko genuke komunera joaten, eta ez egunean behin, behar litzatekeen bezala.