Poligono
Nabigaziora joan
Bilaketara joan
Geometrian, Poligonoa irudi geometriko lau bat da, lerro hautsi edo poligonal itxi batez osatua. Lerro bat poligonala edo hautsia dela esaten da hainbat atalez osatuta dagoenean. Poligono batean, atal horietako bakoitzari aldea deitzen zaio, eta bi alde elkartzen diren puntuari erpin. Poligonoaren barruko aldetik begiratuta, erpinek angeluak osatzen dituzte.
Poligonoak dituen alde eta angelu kopuruaren arabera, izen jakin bat jasotzen dute:
- 3 alde eta angelu: triangelua.
- 4 alde eta angelu: laukia.
- 5 alde eta angelu: pentagonoa.
- 6 alde eta angelu: hexagonoa.
- 7 alde eta angelu: heptagonoa.
- 8 alde eta angelu: oktogonoa.
- 9 alde eta angelu: eneagonoa.
- 10 alde eta angelu: dekagonoa.
- 11 alde eta angelu: endekagonoa.
- 12 alde eta angelu: dodekagonoa.
Hamahiru alde eta angelu baino gehiagokoei ez zaie izen berezirik ematen; hainbat aldeko poligonoa deitzen zaie.
Poligonoak erregularrak eta irregularrak izan daitezke:
- Erregularrak: haren aldeek luzera berbera dutenean eta angeluak ere berdinak direnean.
- Irregularrak: haren aldeek luzera desberdina dutenean eta angeluak desberdinak direnean.