Portugesa hitz egiten den eremua berdez margotuta dago.

Portugesa jatorriz Portugalen hitz egiten den hizkuntza da, baina gaur egun Amerikako, Afrikako eta Asiako hainbat herrialdetan ere hitz egiten da. Guztira 260 milioi pertsonak hitz egiten dute.

Historia

Portugesa latinetik etorritako hizkuntza da, gaztelania, frantsesa, katalana eta beste batzuk bezala. Erdi Aroan Portugalez gain, Galizian ere hitz egiten zen; baina, denbora pasatu ahala, bi hizkuntzak bananduz joan ziren. Hala ere, galiziera eta portugesa oraindik oso antzekoak dira.

XV. mendean, Portugalek koloniak ezarri zituen Afrikako kostaldean eta Asiako toki batzuetan. Gaur egun oraindik hitz egiten da portugesez toki horietan. XVI. mendean, Portugalek Hego Amerikako zati handi bat eskuratu zuen eta Brasil izena ezarri zion. Gaur egun,portuges-hiztun kopururik handiena Brasilen dago, hain zuzen ere. Brasildarrak 200 milioi biztanle dira.

Portugesaren hedadura

Hona hemen portugesez hitz egiten den herrialdeen zerrenda:

Kontinentea	Herrialdeak
Europa	Portugal
Amerika	Brasil
Afrika	Angola, Cabo Verde, Ginea Bissau, Mozambike eta Sao Tome eta Principe
Asia	India (Goa hirian), Txina (Macau hirian) eta Ekialdeko Timor

Hitzak

Euskaraz	Portugesez
Kaixo	Ola
Ongi etorri	Bem vindo
Eskerrik asko	Obrigado/a
Agur	Adeus

Entzun portuges pixka bat

Bideo honetan, Brasilgo portugesa entzun dezakezu:

Brasilgo portugesa.