Lurra

Lur planeta.

Lurra eguzki-sistemako hirugarren planeta da, eta izaki biziak dituen planeta ezagun bakarra.

Eguzki-sistemako planeta guztiek bezala, eguzkiaren inguruan bira egiten du, eta bira horietako bakoitzak 365 egun eta 6 ordu irauten du (urtea edo eguzki-urtea deitzen diogu denbora horri). Bestalde, Lurrak bere ardatzaren inguruan ere egiten du bira (errotazioa deitzen zaio) eta, gutxi gorabehera, 24 ordu behar ditu bira oso bat egiteko (eguna deitzen diogu denbora-tarte horri).

Lurrak satelite natural bat du, ilargia.

Zientzialari batzuen arabera, badirudi Lurra duela 4.500 milioi urte eratu zela. Haren lurrazalaren %71 inguru ur gazizko itsasoz estalita dago; gainontzeko zatia kontinenteek eta uharteek osatzen dute.

Lurrak esfera baten forma du, baina ez da esfera perfektua; izan ere, bi poloetan apur bat zanpatuta bezala dago. Bestalde, haren ardatza apur bat makurtuta dago.

Lurraren barne-egitura

Lurraren barruan, hainbat atal edo geruza daude:

• Lurrazala
• Mantua
• Kanpo-nukleoa
• Barne-nukleoa

Informazio gehiago nahi baduzu, begiratu hemen:

• Lurraren egitura